Aozet e vez bep bloaz Prizioù Dazont ar Brezhoneg gant an Ofis Publik ha Frañs 3. Ar pal eo lakaat oberoù nevez a dalvez da skouer evit an holl. Arc'hantaouet eo ar Prizoù gant Kuzul-rannvro Breizh (pep priz kentañ a ya 1500 euro gantañ, evit pep eil priz koulz hag evit pep trede priz eo 500 euro).
Prizioù dazont ar brezhoneg 2017
E Lannuon, er Garrezenn Hud, e oa bet aozet lid kentañ Prizioù dazont ar brezhoneg d'ar 24 a viz Meurzh 2017.
Ar rummadoù
7 rummad zo :
• Brezhoneger ar bloaz
• Kevredigezhioù
• Embregerezhioù
• Aozadurioù publik
• Levr faltazi
• Kleweled
• Cd kanet e brezhoneg
Al lid
E-pad ul lid aozet ha filmet gant Frañs 3 e vez roet Prizioù dazont ar brezhoneg.
Da sellout ouzh al lid zo bet e Lannuon d'ar 24 a viz Meurzh 2017 e c'hellit klikañ amañ.
Loreidi 2017
| Rummad | Priz | Da c'houzout hiroc'h |
| Brezhoneger | 1añ priz : Yann Tiersen hag Emilie Quinquis evit bezañ lakaet da raktres koublad deskiñ ar yezh ha bevañ e brezhoneg. | Liamm |
| 2l priz : Laëtitia Anger, evit bezañ krouet an embregerezh « Les Archi Kurieux », a ginnig darvoudoù diwar-benn glad Breizh e brezhoneg. | Liamm | |
| 3de priz : Fanny Labbay evit bezañ desket brezhoneg ha cheñchet yezh an tiegezh, bet skoazellerez skol deuet da vezañ kelennerez divyezhek hag a dreuzkas ar yezh d'an dud deuet ivez. | Liamm | |
| Kevredigezhioù | 1añ priz : Dizale, a labour war an advouezhiañ e brezhoneg hag a ginnig bremañ ur c’houmanant VOD, doare Netflix. | Liamm |
| 2l priz : Brezhoneg e Brest, a labour evit diorren ar brezhoneg e kêr Brest. | Liamm | |
| 3de priz : Kenseurtiezh pomperien Roazhon, a ginnig un deiziataer divyezhek penn-da-benn a vez skignet e Roazhon ha tro-war-dro. | Liamm | |
| Embregerezhioù | 1añ priz : Le Kêr, ur park dudi, staliet e Gwened, a ginnig d’ar vugale ober anaoudegezh gant istor Breizh en ur c’hoari. Tri implijad a oar brezhoneg. Ar panellerezh, ar filmoù hag an c’hlevheñcherioù a zo divyezhek. | Liamm |
| 2l priz : Ar Bradenn – Aquatiris, a labour war ar fitopuradur an dour, hag a implij ar brezhoneg evit kehentiñ. | Liamm | |
| 3de priz : Korrimel, ur servij posteloù e brezhoneg penn-da-benn. | Liamm | |
| Aozadurioù publik | 1añ priz : Kuzul-departamant Penn-ar-Bed, an departamant kentañ o reiñ lañs d’ur brastres evit harpañ ar brezhoneg. | Liamm |
| 2l priz : Kêr Henbont, evit bezañ krouet un Agenda 21 diwar-benn ar brezhoneg. | Liamm | |
| 3de priz : Ospital Karaez, evit bezañ staliet panelloù divyezhek ha bezañ labouret evit diorren ar brezhoneg e bed ar yec’hed. | Liamm | |
| Levrioù faltazi | 1añ priz : « Bar Abba », romant gant Yann Bijer (Emb. Al Liamm). | Liamm |
| 2l priz : « Keridwal », barzhonegoù gant Herve Seubil gKernaudour (Emb. Al Liamm). | Liamm | |
| 3de priz : « Rebetiko hag istorioù all », danevelloù gant Kristian Braz (Emb. Al Liamm). | Liamm | |
| Kleweled | 1añ priz : « A-vihanig », teulfilm (26’) sevenet gant Bleuenn Le Borgne. | |
| 2l priz : « Pa ya kuit Solenn », teulfilm faltaziet (26’) sevenet gant Anne Gouerou. | Liamm | |
| 3de priz : « C’hwi a gano », un heuliad pemp rann enni (10’), sevenet gant Perynn Bleunven, Justine Morvan, Quentin Morvan. | Liamm | |
| CD kanet e brezhoneg | 1añ priz : « Youn Kamm et le Bagad du Bout du Monde », Youn Kamm (Apprentis Producteurs / Coop Breizh). | Liamm |
| 2l priz : « Valgori » Brieg Guerveno (Paker Prod / Coop Breizh). | Liamm | |
| 3e priz : « Exil », Maria Desbordes (Awen Records / Coop Breizh). | Liamm |
Heuilhit ac'hanomp war
- Degemer
- |
- Steuñvenn al lec'hienn
- |
- Darempredoù
- |
- Kredadoù
- |
- Menegoù lezennel
- |
- Sevenidigezh :
