Lañser | Endalc'had | Enklask | Darempredoù

Prizioù dazont ar brezhoneg

Aozet e vez bep bloaz Prizioù Dazont ar Brezhoneg gant an Ofis Publik ha Frañs 3. Ar pal eo lakaat oberoù nevez a dalvez da skouer evit an holl. Arc'hantaouet eo ar Prizoù gant Kuzul-rannvro Breizh (pep priz kentañ a ya 1500 euro gantañ, evit pep eil priz koulz hag evit pep trede priz eo 500 euro).

Prizioù dazont ar brezhoneg 2018

E Karaez e oa bet aozet lid Prizioù dazont ar brezhoneg d'ar 16 a viz C'hwevrer 2018.

Ar rummadoù

7 rummad zo :

• Brezhoneger ar bloaz

• Kevredigezhioù

• Embregerezhioù

• Aozadurioù publik

• Levr faltazi

• Kleweled

• Cd kanet e brezhoneg

Al lid

E-pad ul lid aozet ha filmet gant Frañs 3 e vez roet Prizioù dazont ar brezhoneg.

Web gwelet en he brasañ

Loreidi 2018

Rummad Priz Da c'houzout hiroc'h
Brezhoneger

1añ priz : Stéphanie Stoll, Prezidantez rouedad skolioù Diwan. Lakaat a ra he nerzh abalamour da zerc’hel gant ar c’hevratoù skoazellet e Diwan hag evit kaout diskoulmoù war hir amzer.

2l priz : Maripol Gouret ha Jean-François Guillouzic o deus lakaet kalz a boan evit sevel Yezhoù ha Sevenadur e Naoned ha krouet o deus al levraoueg vrasañ gouestlet d’ar brezhoneg ha da Vreizh el Liger-Atlantel.
3de priz : Fañch Bernard, stourm ar familh evit ma vefe skrivet mat anv o mab gant un « ñ ».
Kevredigezhioù

1añ priz : Gwarez filmoù Breizh, e Brest. Dastum ha saveteiñ a ra filmoù diwar-benn Breizh. Un implijadez a ra gant ar brezhoneg.

2l priz : Yezhoù ha Sevenadur, e Naoned, a vod meur a framm : ur skol Diwan, Kentelioù an Noz, KDSK (ul levraoueg) hag ur vagouri e brezhoneg.
3de priz : Youn ha Solena, en Naoned. Ur vagouri e brezhoneg dre soubidigezh..
Embregerezhioù 1añ priz : Rugby Club Gwened, testennoù, luganoù, skritelloù e brezhoneg hag implij ar yezh war an dachenn..
2l priz : Tudwal ha Mathias Girard o deus digoret, e Plerin, ar c’hav bier Mar’Mousse a zo divyezhek penn-da-benn.
3de priz : Kristof Conan produer sistr e Plougastell, a ra tikedennoù divyezhek ouzh ar boutailhoù evit lakaat ar brezhoneg war wel.
Aozadurioù publik 1añ priz : Sindikad kemmesk Park naturel Arvorig, evit bezañ staliet panellerezh divyezhek dreist-holl e Menez Meur.
2l priz : Ti-kêr ar Roc’h-Derrien, evit un arload teiryezhek diwar-benn istor ha glad ar gumun.

3de priz : Mirdi Ragistor Karnag, evit bezañ savet fichennoù pedagogel e brezhoneg.

Levrioù faltazi 1añ priz : Divaskell da nijal kuit, barzhonegoù gant Yann-Ber Pirioù (Emb. Skol Vreizh).
2l priz : Pellik, barzhonegoù gant Antony Heulin (Emb. Mouladurioù Hor Yezh).
3de priz :Troiad en Ifern, romant gant Mich Beyer (Emb. An Alarc’h embannadurioù).
Kleweled 1añ priz : Fin ar bed, heuliad faltazi gant Nicolas Leborgne (Lyo production ha Tita productions).
2l priz : Open the border, teulfilm gant Mikael Baudu (Gwengolo filmoù).
3de priz : Ar mor atav, film-faltazi gant Emmanuel Roy (Kalanna Production).
CD kanet e brezhoneg 1añ priz : ‘N om gustumiñ deus an deñvalijenn, gant Krismenn (World Village / Pias).
2l priz : Loened Fur ha Foll, gant Morwenn Le Normand /Roland Conq (Coop Breizh).
3e priz : As an end to death, gant Tiny Feet (Les Disques Normal).

Kasit ar pennad-mañ da dud all