Emglev Bro Douarnenez, krouet e 1996, a stroll kevredigezhioù ha tud a fell dezho lakaat da vevañ ha rannañ ar brezhoneg ha sevenadur Breizh gant ar muiañ niver, a-hed ar bloavezh. Ar festival Dispar Amzer a zo ur prantad a-bouez hag a bad daou viz, adalek miz Here betek miz Du e bro Douarnenez hag er C’hab. Talvoudoù hag ahelioù pennañ ar festival a zo skignañ ha klask nevezentioù a-fed sevenadur Breizh, reiñ plas d’ar maouezed er grouidigezh-se, krouiñ liammoù etre ar sevenadurioù hag ar rummadoù oad disheñvel. Ouzhpenn an darvoudoù arzel, ar festival a stroll ivez emgavioù degemerus tro-dro d’ar brezhoneg ha da sevenadur Breizh. Emaoc’h o vont da labourat e liamm gant kenurzhierez ar gevredigezh ha da skoazell anezhi da aozañ festival Dispar Amzer 2025. Dindan kiriegezh izili kuzul-merañ ar gevredigezh e vioc’h.

GWAASM

AEP skol Diwan Plounevez-Moedeg

Plounevez-Moedeg (22)

Emañ skol Diwan Plounevez-Moedeg o tuta ur GWAASM a-benn an distro-skol 2025. Kevredigezhel, laik, digoust ha digor d'an holl vugale adalek 2 vloaz eo ar skol. Brezhoneg dre soubidigezh a zo kinniget. 2 skolaer·ez ha 2 pe 3 skoazeller·ez a vo er skipailh pedagogel e karg eus ar skolidi skol-vamm ha kentañ derez en distro-skol a zeu.

Kargad·ez a skignañ

Big Bravo Spectacles

Landerne (29)

Emañ Big Bravo Spectacles, ur framm produiñ ha skignañ arzel, o tuta ur c'hargad/gargadez a skignañ

Kelennerezed - Kelennerien war ar brezhoneg

MERVENT

Sud-Finistère

MERVENT, aozadur hag a gelenn brezhoneg e Bro Gerne a zo o tuta ur gelennerez pe ur c’helenner war ar brezhoneg evit labourat war tachenn ar c’hentelioù-noz evit an dud deuet ha war tachenn an tañva er skolioù kentañ derez publik ha prevez , Tachenn labour : Bro Kemper, Bro Vigoudenn, Bro Douarnenez, Kreiz Penn-ar-Bed.