MENU
Retour
Retour
Accéder aux services en ligne
Fulup Jakez, Meriadeg Vallerie, Christian Troadec, Dewi Kerbrat ha Paul Molac
Arsellva 05/12/2023
D'ar 4 a viz Kerzu 2023 e oa bet kinniget disoc’hoù pennañ an enklask savet gant Arsellva implij ar yezhoù diwar-benn ar brezhoneg e marc’had al labour.
1 850 post-labour KILA (kevatal implij leunamzer) renablet e 2022 warno brezhonegerien evit implijoù a c’houlenn gouzout ar yezh da vat.
- > 550 post nevez bennak zo bet krouet etre 2012 ha 2022, da lavaret eo ur c’hresk un tamm brasoc'h eget +42% en ur ober 10 vloaz.
- > Emañ ar pep brasañ eus ar postoù e bed ar c’helenn : tost an hanter eus hollad ar postoù (49%) a glot gant ur vicher resis, skolaer en hentadoù divyezhek. Gant 200 post bennak ez eo ar merañ frammoù an eil rumm micher pouezusañ (kresk +51%)
Dasparzh diouzh ar rumm micher
- > Penn-ar-Bed eo an departamant ennañ ar muiañ a bostoù (900 post bennak).
> An Il-ha-Gwilen eo an departamant m’eo kresket ar muiañ an niver a bostoù etre 2012 ha 2022 (+78%).
An departamant m’emañ ar postoù en o liesseurtañ eo ivez (kontañ a reer 26% a bostoù er-maez eus micherioù ar c’helenn).
Dasparzh diouzh ar rumm micher ha dre zepartamant
- > Tremen 4/5 eus ar postoù renablet zo stag ouzh ur gevrat didermen (83%).
- > Er velestradurezh foran emañ tremen 1 200 eus ar postoù KILA renablet, da lavaret eo tost an 2/3 eus an hollad (65%).
- > Eil statud boutinañ ar frammoù eo hini ar c’hevredigezhioù gant tost da 550 post (29% eus an hollad).
- > Embregerezhioù pe emembregerezhioù eo a zegas ar 100 post bennak a chom.
> Ar sifroù 2022 dre ar munudoù zo da lenn amañ gant ar studiadenn glok.
Lakaet eo bet enlinenn al lec'hienn nevez gouestlet d’ar c’hlask labour ivez : www.brezhoneg.bzh/labour/