Gouest eo pep hini ac'hanoc'h da seveniñ oberoù e-leizh evit mad ar brezhoneg.
Un toullad skouerioù.
Ha pa gomzfec'h brezhoneg pe get
E-kerzh an tregont vloaz diwezhañ eo bet lakaet ar brezhoneg muioc'h-mui war wel en takadoù foran. Stankoc'h-stank eo ar strollegezhioù, an embregerezhioù hag ar c'hevredigezhioù a ro lañs da obererezhioù evit kas ar brezhoneg war-raok. E-keit-se eo aet niver an dud a zo o teskiñ brezhoneg, koulz bugale hag oadourien, war greskiñ. Dre an emdroadur-se e weler eo tomm ar gevredigezh e Breizh ouzh ar brezhoneg. Peadra zo aze da gaout fiziañs en amzer-da-zont hor yezh.
Ha pa gomzfec'h brezhoneg pe get e c'hallit diouzh ho tu degas ho lod el luskad evit adperc'hennañ ar yezh ha kemer perzh el lañs espar-se o seveniñ oberoù eeun ha fetis hag a laka ar brezhoneg da vevañ d'ar pemdez.
Setu un toullad skouerioù :
- Dougen ar spilhennig evit reiñ da c'houzout d'an dud all ez eus ur brezhoneger ac'hanoc'h hag e-giz-se aesaat lañsañ ar gaoz e brezhoneg.
- Staliañ kit an OPAB evit ar panellerezh divyezhek
- Implijout ur sinadur elektronek divyezhek
- Goulenn ur chekennaoueg divyezhek digant ho ti-bank ha leuniañ ar chekennoù e brezhoneg ma'z oc'h brezhoneger
- Pa gasit ul lizher, skrivañ ar chomlec'h e brezhoneg, pe en 2 yezh, war ar golo
- Enrollañ ar responter pellgomz e galleg hag e brezhoneg
- Goulenn kaout teulioù brezhonek digant aozadurioù zo, tiez an douristed da skouer
- Ha perak pas skrivañ ho hetoù e brezhoneg ?
Gall a reer ivez gouzout e peseurt stalioù e vez komzet brezhoneg gant sikour al lec'hienn Stal.bzh.
Gant an holl obererezhioù-se e c'haller reiñ e plas d'ar brezhoneg en-dro evel yezh an darempredoù ha hini ar gevredigezh. Ne ya ket ur yezh da uzañ pa vez graet ganti.
Ur film da gaout skouerioù
Gant al label Produet e Breizh eo bet lakaet e plas oberoù ha raktresoù evit diorren implij ar brezhoneg en e embregerezioù izili.
Heuilhit ac'hanomp war
- Degemer
- |
- Steuñvenn al lec'hienn
- |
- Darempredoù
- |
- Kredadoù
- |
- Menegoù lezennel
- |
- Sevenidigezh :
