Kefridi ar Servij Glad Yezhel ha panellerezh eo dastum glad ar brezhoneg, koulz an hini komzet hag an hini skrivet, mirout ha studiañ anezhañ abalamour d'e vrudañ. Ober a ra war-dro saveteiñ, skoueriekaat ha talvoudekaat ur glad lec'hanvioù hag anvioù-tud hag a zo en arvar.
Ar sifr
128 700 : an niver a fichennoù a oa e diaz KerOfis e dibenn 2023.
Dastum
Ne vez ket desket ar yezh er familhoù ken pe nemeur, koshaat ha mont d'an An 
aon a ra ar vrezhonegerien gozh.
Gant se eo poent bras dastum kement ha ma c'haller, dreist-holl ar pezh a sell ouzh al lec'hanvadurezh.
An Ofis Publik eo an aozadur dave war an dachenn-se.
Pa vez kaoz da staliañ panelloù-hent e labour ar servij Glad yezhel ha panellerezh asambles gant an embregerezhioù panellerezh, servijoù ar Stad evit an hentoù Stad, renerezhioù-departamant an hentoù hag ivez gant an holl gumunioù a c'houlenn sikour digantañ.
Un aozadur dave
Kinnig a ra an Ofis Publik ur servij a galite evit a sell ouzh studiañ lec'hanvioù hag ober troidigezhioù, hag ivez reiñ alioù war an doare da lakaat an anvioù-se war wel.
Ober a ra war-dro ivez adlenn ar gobarioù a-raok ma vefe fardet ar panelloù ha diellaouiñ, bremañ ez eus ugent vloaz zo, kement a sell ouzh an divyezhegezh war an hentoù e Breizh e-barzh ar bank roadennoù enlinenn KerOfis.
Tapet en deus an Ofis Publik skiant-prenet war an dachenn-se, gant se e vez goulennet e ali digantañ ingal gant aozadurioù all hag a labour war ar memes tachennoù.
Heuilhit ac'hanomp war
- Degemer
- |
- Steuñvenn al lec'hienn
- |
- Darempredoù
- |
- Kredadoù
- |
- Menegoù lezennel
- |
- Sevenidigezh :
