prizioù 2026
Darvoud 24/02/2026
E Trebeurden, e Bro-Dreger, war Aod ar Vein Ruz, e vo kinniget 29vet lid ar Prizioù, prizioù dazont ar brezhoneg, er bloaz-mañ. Kenaozet eo an darvoud-mañ gant ar chadenn skinwel rannvroel ICI Breizh hag Ofis Publik ar Brezhoneg.
Garedonet e vo ar gwellañ taolioù-intrudu ha krouidigezhioù brezhoneg ar bloaz tremenet e meur a rummad. Tud, kevredigezhioù, embregerezhioù, ensavadurioù, hag oberennoù skrivet, filmet ha kanet a vo enoret ar bloaz-mañ c’hoazh e-pad ul lid meur a vo dalc’het d’ar 24 a viz Meurzh diouzh noz.
E Trebeurden (kreizenn sevenadurel Le Sémaphore) e vo al lid d’ar Meurzh 24 a viz Meurzh.
Ar re anvet a zo :
Kevredigezhioù :
- Ti Erminig, evit bezañ kinniget dafar pedagogel da aesaat deskiñ ar yezh d’ar familhoù o deus bugale en hentadoù divyezhek ;
- Dibistig, evit bezañ embannet ul levr-skeudennoù divyezhek da reiñ d’ar babigoù bet ganet en ospital Montroulez ;
- Patati, evit bezañ krouet ar greizenn dudi kentañ e brezhoneg el Liger-Atlantel.
Levrioù faltazi :
- Berr he botez, Laurence Lavrand ;
- Bedoù nevez, Paskal an Intañv ;
- A-drek kerreg tevrieg, Herve Seubil gKernaudour.
Strollegezhioù :
- An Alre, evit kinnig pourmenadennoù da zizoleiñ glad kêr e brezhoneg, dre an arload Baludik, ha bezañ resevet al label live 2 eus ar garta Ya d’ar brezhoneg ;
- Blaen, evitbezañ digoret un hentad divyezhek publik ha bezañ bet kentañ kêr el Liger-Atlantel enni plakennoù-straed divyezhek e kreiz-kêr a-bezh ;
- Roazhon, evit he folitikerezh yezh ha bezañ sinet ar garta Ya d’ar brezhoneg gant ar vagouri-kêr Gaston Tannou.
Oberennoù kleweled :
- Tourmant, un istor faltazi embannet dre stumm un heuliad podkastoù. (Kalanna, Heklev Podkast ha radioioù kevredigezhel Breizh) ;
- Ar Frailh, un teulfilm 26’ sevenet gant Aziliz Bourgès hag a laka ar gaoz war ar boan-spered pe ar « gwallzarvoud bredel » (ICI Breizh) ;
- Klask ar sklêrijenn, un heuliad a ginnig mont da-heul roudoù Thomas Godin o vont d’ober gwelloc’h anaoudegezh gant eizh arzour o deus merket anezhañ (Gwengolo Filmoù ha ICI Breizh).
Embregerezhioù :
- Arfolk, label sonerezh nevez ;
- Tavarn ar Roue Morvan en Oriant, evit bezañ aozet kentelioù dizoleiñ ar brezhoneg hag embannet ul levr rekipeoù divyezhek ;
- Barikenn Saona, Jean Guiavarc’h a ginnig e obererezh saona lem-laka e brezhoneg.
Pladennoù kanet e brezhoneg | Œuvres chantées
- D’an neb a glevo, Plouz & Foen ;
- 30°, Emezi ;
- Un noz a vo, Brieg Guerveno.
Brezhoneger.ez ar bloaz :
- Gwennyn, evit bezañ aozet an darvoud Breizh a Live;
- Matyas Le Brun, evit bezañ krouet ar gevredigezh « 1000 Familh » a vroud ar familhoù da dreuzkas ar brezhoneg d’o bugale ;
- Renan Kerbiged, prezidant ar gevredigezh « Mignoned ar brezhoneg » evit al labour stourm a gas war-raok.
-
