E Plougerne e vo al lid d'an 18 a viz Meurzh 2025 (digor d'an holl)
Brezhoneg 20/02/2025
Bep bloaz e vez aozet Prizioù dazont ar brezhoneg gant France 3 Breizh hag Ofis Publik ar Brezhoneg. Teurel a reont sklêrijenn ouzh ar gwellañ krouidigezhioù e brezhoneg er bloaz paseet. Roet e vez ar garedonoù-se da dud prevez, da gevredigezhioù, da embregerezhioù pe da ensavadurioù o deus lezet ur merk en neveziñ e brezhoneg.
E Plougerne, e Bro-Leon, e vo kinniget 28vet lid ar Prizioù, prizioù dazont ar brezhoneg, er bloaz-mañ. D’an 18 a viz Meurzh e vo dalc'het an abadenn veur diouzh noz er sal Armorica.
Seizh den a bep seurt a zo er juri : Mallorie Creac'h, Gwenc'hlan Broudig, Morwenna Jenkin, Sterenn ar Gwilhoù, Marina Caro-Nedelleg, Erwan ar Gars hag Anna al Lae. En em vodet e oa evit rakdibab tri danvez loread dre rummad.
Ar rakdibab
Rummad Kevredigezh :
- SDAY (Sevenadur Dudi Abadennoù Yaouankiz) evit ar greizenn dudi e brezhoneg e Karaez ;
Diwan Breizh, evit bezañ savet un hentad micherel ;
Kuzul skoazell Diwan Sant-Brieg, evit bezañ savet ur c’heriaoueg divyezhek evit tud ar skolidi.
Rummad Levr faltazi :
-
Kali Torrdent, Loeiza an Duigoù ;
Va Zammig seiZenn ruZ, Paskal Hervio ;
Tan ha distan, Paol ar Meur.
Rummad Strollegezh :
-
Kemper evit bezañ savet ur sturlevr evit ober gant ar brezhoneg e kêr ;
Montroulez kumuniezh evit bezañ savet ur brastres evit an implij eus ar brezhoneg ;
Treve evit bezañ digoret un hentad divyezhek en he skol bublik.
Rummad Kleweled :
-
Naig ha me, un teulfilm 52mn sevenet gant Claire Villalon (Internep - Le Cercle bleu - France 3 Breizh - ar skinwelioù lec’hel eus Breizh ha Brezhoweb),
Reizh.Direizh, ur stirad 7 pennad 7mn sevenet gant Anne Gouerou (Tita B Productions - France 3 Breizh),
Tomaz, Frankiz hag ar mor bras, un teulfilm 52mn sevenet gant Ronan Hirrien (France 3 Breizh).
Rummad Embregerezh :
-
Apizee, a ginnig treiñ teulioù teknikel e brezhoneg ;
Nat B. Good, lec’hienn ha rouedadoù sokial e brezhoneg ma vez kinniget stummadurioù ;
Nerzh Glas, kevredad dihuziliañ en deus ul lec’hienn ha binvioù kehentiñ e brezhoneg.
Rummad Pladenn kanet e brezhoneg :
-
Reuz e Brest, Jakez ar Borgn & Typhaine Corre
Pilhoù, Kaolila
Melezour, Talec-Noguet
Rummad Brezhoneger⸱ez ar bloaz :
-
Géraldine Beaumont, bet skrivet ganti un dornlevr brezhonek evit bitellat ;
Gweltaz Duval-Gwennog, a ziorren plas ar brezhoneg er stlennegezh hag en naouegezh artifisiel ;
Thomas Godin, arzour-livour-engraver a laka ar brezhoneg da skediñ dre ar bed.
D’ar Meurzh 18 a viz Meurzh 2025 e vo dibabet urzh ar prizioù e Plougerne, gant sonadeg EMEZI da gregiñ ganti da 7e30.
Mont e-barzh digoust. Plasoù da virout enlinenn