Sked
Brest (29)
Emañ Sked o tuta ur sekretour·ez divyezhek.
27/05/2024
Ofis publik ar brezhoneg
Karaez-Plougêr (29)
C'hoant hoc'h eus da labourat e brezhoneg ? Fellout a ra deoc'h degas ho lod da skipailh an OPAB ha kas ar yezh war-raok er gevredigezh ? Kinnig a ra Ofis publik ar brezhoneg ur post skoazeller koskor.
27/03/2024
Diwan
Da geñver krouidigezh ur post labour, emañ ar rouedad Diwan o klask un den atebeg war an arc’hant ha merañ an tiez-skol. Stag ouzh renerezh ar gevredigezh, e vefet karget da genurzhiañ servijoù kontouriezh tiez-skol an eil derez ha da lakaat e plas diarbennoù da stabilaat kempouez arc’hant an eil derez. Bez e vefet ivez kendivizer·ez tostañ renerezhioù an eil derez evit ar pezh a sell ouzh merañ o savadurioù ha tiez-skol.
26/03/2024
Aradon (56)
Deiziad embann | 26/02/2024 |
Deiziad kregiñ | 11/03/2024 |
Divaskell Breizh zo ur gevredigezh yaouank, krouet e dibenn 2020 gant kerent skolidi mennet. Hiziv an deiz ez a en-dro 20 kevredigezh lec’hel, en o zouez 10 pol, hag a zileur kerent skolidi divyezhek eus 42 skol. Frammet eo Divaskell Breizh en-dro d’ur burev, ennañ 5 ezel, hag ur C’huzul-merañ. Skoazellet e vez an obererezh abaoe bloaz gant ur c’henurzhier. Dre ma kresk ha ma aoz devezhioù-departamant emañ ar gevredigezh Divaskell Breizh oc’h ober muioc’h a draoù melestradurel eus miz Meurzh da viz Mezheven. Evit kreskiñ obererezh Divaskell Breizh e ranker enfredañ ur skoazeller·ez melestradurel hiziv an deiz.
Lakaet e vez dindan aotrouniezh burev Divaskell Breizh hag ivez dindan evezh ar
c’henurzhier. Seveniñ a ra ar c’hefridioù-mañ :
- Ober war-dro an tretiñ hag an heuliañ melestradurel
- Heuliañ ar skoroù niverel (rouedadoù sokial, lec'hienn Genrouedad) el linenn termenet gant Divaskell Breizh
- Dre vras, kemer perzh e brud Divaskell Breizh evit diorren ar brezhoneg hag ar gallaoueg er skolioù katolik.
- Ober war-dro trevelloù a-vareadoù
Oberezhioù ar post :
- Ober war-dro an trevelloù sekretouriezh pemdez
- Prientiñ ar skoroù emvod
- Sevel rentaoù-kont emvodoù ha teulioù a bep seurt.
- Diorren ar c’hehentiñ hag an erlec’hiadurioù kelaouiñ war ar rouedadoù sokial kerkoulz hag al lec’hienn Genrouedad (krouiñ endalc'hadoù, lakaat teulioù e-kerz al lec'hienn web...)
- Kemer perzh, ur wech an amzer, e darvoudoù brudañ Divaskell Breizh (devezh-departamant, dalc’h stand...)
Profil :
- Emren oc'h
- Aozet ha strizh oc'h
- Diskred, plijadur, gouzout komz en un doare aes
- Selaou ha tizh kompren
- Darempredoù mat
Barregezhioù goulennet :
- Ostilhoù stlennegel, Pack Office, Canva pe damheñvel
- Kehentiñ (rouedadoù sokial, lec'hienn Genrouedad, binvioù Web)
- Un dra ouzhpenn eo mestroniezh ar brezhoneg hag/pe ar gallaoueg
- Aotreoù B
Hervez ar c'hendivizad ECLAT
Kevrat termenet he fad
Darnamzer
Kevrat labour war hir dermen eus an 11 a viz Meurzh d'ar 05 a viz Gouere
Darnamzer 24 e/sizhun ingalet e-pad 4 devezh
Pellabour gant un devezh/sizhunvezh war al lec’h, ha gallout a reer mont ha dont evit abadennoù a-ratozh,
Urzhiataer + pellgomzer pourchaset
Gallout a ra ar fichenn-bost-mañ emdreiñ diouzh ezhommoù Divaskell Breizh
Divaskell Breizh
contact@divaskell.bzh07.48.15.20.71