Kinnigoù heñvel
Skoazeller·ez koskor
Ofis publik ar brezhoneg
Karaez-Plougêr (29)
C'hoant hoc'h eus da labourat e brezhoneg ? Fellout a ra deoc'h degas ho lod da skipailh an OPAB ha kas ar yezh war-raok er gevredigezh ? Kinnig a ra Ofis publik ar brezhoneg ur post skoazeller koskor.
27/03/2024
Sekretour·ez
Skeudenn Bro Roazhon
Roazhon (35)
Emañ ar gevredigezh Skeudenn Bro Roazhon o tuta ur sekretour·ez divyezhek.
05/03/2024
Skoazeller·ez melestradurel
Divaskell Breizh
Aradon (56)
Divaskell Breizh zo ur gevredigezh yaouank, krouet e dibenn 2020 gant kerent skolidi mennet. Hiziv an deiz ez a en-dro 20 kevredigezh lec’hel, en o zouez 10 pol, hag a zileur kerent skolidi divyezhek eus 42 skol. Frammet eo Divaskell Breizh en-dro d’ur burev, ennañ 5 ezel, hag ur C’huzul-merañ. Skoazellet e vez an obererezh abaoe bloaz gant ur c’henurzhier. Dre ma kresk ha ma aoz devezhioù-departamant emañ ar gevredigezh Divaskell Breizh oc’h ober muioc’h a draoù melestradurel eus miz Meurzh da viz Mezheven. Evit kreskiñ obererezh Divaskell Breizh e ranker enfredañ ur skoazeller·ez melestradurel hiziv an deiz.
26/02/2024
Atebeg·ez war an arc’hant hag ar savadurioù (G/M)
| Deiziad embann | 26/03/2024 |
| Deiziad evit lakaat e anv | 28/04/2024 |
| Deiziad kregiñ | diouzhtu |
Da geñver krouidigezh ur post labour, emañ ar rouedad Diwan o klask un den atebeg war an arc’hant ha merañ an tiez-skol. Stag ouzh renerezh ar gevredigezh, e vefet karget da genurzhiañ servijoù kontouriezh tiez-skol an eil derez ha da lakaat e plas diarbennoù da stabilaat kempouez arc’hant an eil derez. Bez e vefet ivez kendivizer·ez tostañ renerezhioù an eil derez evit ar pezh a sell ouzh merañ o savadurioù ha tiez-skol.
Deskrivadur ar post
Kefridioù
Dre ar munud, e vo fiziet ennoc’h :
- Arc’hant :
Kenurzhiañ kontourien an tiez-skol
Lakaat e plas taolennoù heuliañ budjedoù an tiez-skol
Dasparzh ar yalc’hadoù hag ar reizhingaldurioù diouzh an degouezh
Buheziñ ar bodad keidadur ha kemm prizioù ar bod hag ar boued
Ingaladur analitek fakturenniñ ar familhoù
Titouriñ ha merañ ar skoazell d’an transportoù
Prenadennoù a-stroll
- Savadurioù :
Heuliañ stad ar savadurioù
Gweladennoù ingal war an dachenn
Heuliañ doseroù ar c’hontrolloù ret
Heuliañ ar raktresoù tiez savet hag ar frammoù dougen
Sevel hag heuliañ ar steuñvioù marc’hadaouerezh
Lakaat e pleustr hag heuliañ teulioù goulenn yalc’hadoù
Sturiañ danvez pourchaserien
Doare den
Stummadur uhel e kontouriezh, bet tapet ur vachelouriezh + 3/5 e mererezh/kontouriezh ha 5 bloaz skiant-prenet d’an nebeutañ en tachennoù-mañ pe e tachennoù tost.
Setu amañ barregezhioù mat da gaout evit ar post-mañ :
- Mestroniañ ar brezhoneg kenkoulz dre gomz ha dre skrid (B2 pe C1 en DCL Brezhoneg) ;
- Mestroniañ mat-tre word hag excel ;
Emren ha plijet gant al labour a-stroll ez oc’h strizh war al labour, aes gant an dud ha gouest d’en em azasaat buan ouzh un endro labour nevez.
Titouroù war ar post
Gopr
35000 - 40000€
Doare kevrat
Kevrat didermen he fad
Amzer labour
Leunamzer
Evezhiadenn
Post leun amzer, 35 eurvezh/sizhun. Statud sterniad·ez
War an hent ingal e Breizh a-bezh (5 departamant)
Post da bourveziñ kerkent ha posupl
Diouzh ho profil hag ho skiant-prenañ e vo kinniget deoc’h ur gopr etre 35 000€ ha 40 000€. War-lerc’h e vo kemmoù a-nebeudoù war ho kopr diouzh ho red-micher.
Evel goprad·ez ar gevredigezh ho peus droad da gaout ur c’henwarez, ur ragevezh ha 6 sizhun koñjeoù paeet.
Darempred
Diwan
Z.A Sant-Ernel
29800 Landerne
tuta@diwan.bzh0298213369