Diwan
Da geñver krouidigezh ur post labour, emañ ar rouedad Diwan o klask un den atebeg war an arc’hant ha merañ an tiez-skol. Stag ouzh renerezh ar gevredigezh, e vefet karget da genurzhiañ servijoù kontouriezh tiez-skol an eil derez ha da lakaat e plas diarbennoù da stabilaat kempouez arc’hant an eil derez. Bez e vefet ivez kendivizer·ez tostañ renerezhioù an eil derez evit ar pezh a sell ouzh merañ o savadurioù ha tiez-skol.
26/03/2024
Skeudenn Bro Roazhon
Roazhon (35)
Emañ ar gevredigezh Skeudenn Bro Roazhon o tuta ur sekretour·ez divyezhek.
05/03/2024
Divaskell Breizh
Aradon (56)
Divaskell Breizh zo ur gevredigezh yaouank, krouet e dibenn 2020 gant kerent skolidi mennet. Hiziv an deiz ez a en-dro 20 kevredigezh lec’hel, en o zouez 10 pol, hag a zileur kerent skolidi divyezhek eus 42 skol. Frammet eo Divaskell Breizh en-dro d’ur burev, ennañ 5 ezel, hag ur C’huzul-merañ. Skoazellet e vez an obererezh abaoe bloaz gant ur c’henurzhier. Dre ma kresk ha ma aoz devezhioù-departamant emañ ar gevredigezh Divaskell Breizh oc’h ober muioc’h a draoù melestradurel eus miz Meurzh da viz Mezheven. Evit kreskiñ obererezh Divaskell Breizh e ranker enfredañ ur skoazeller·ez melestradurel hiziv an deiz.
26/02/2024
Karaez-Plougêr (29)
Deiziad embann | 27/03/2024 |
Deiziad evit lakaat e anv | 30/04/2024 |
Deiziad kregiñ | 01/06/2024 |
C'hoant hoc'h eus da labourat e brezhoneg ? Fellout a ra deoc'h degas ho lod da skipailh an OPAB ha kas ar yezh war-raok er gevredigezh ? Kinnig a ra Ofis publik ar brezhoneg ur post skoazeller koskor.
E diabarzh pol merañ an OPAB e ray ar skoazeller·ez koskor war-dro heuliañ an teuliadoù liammet ouzh ar c’hoskor, un hanter-kant gwazour bennak (tuta, red-micher, stummañ, yec’hed, leve...)
Bac +2
Live B2 e brezhoneg
Diplom pe skiant-prenañ en domani
Darempredoù aes, intrudu, labour e skipailh, barregezh hanteriñ, reoliegezh el labour
Implij er rummad B
Kevrat didermen he fad
Leunamzer
Darempred ha gouzout hiroc’h : evit lakaat h.e anv kas ul lizher emginnig hag ur CV en div yezh da : Aotrou Prezidant, Ofis publik ar brezhoneg, Kastell Kerampuilh, 29270 Karaez-Plougêr.
Ofis publik ar brezhoneg
mathilde.nicolas@opab.bzh02 98 99 30 10