Kinnigoù heñvel
Staj An Oriant tolpad-kêrioù
An Oriant tolpad-kêrioù
An Oriant (56)
Lorient Agglomération, dans le cadre de la politique communautaire en faveur de la langue et de la culture bretonnes, recherche un·e étudiant·e pour contribuer à l’écriture son Schéma langue et culture bretonne.
29/03/2024
Merour·ez roadennoù
Ofis publik ar brezhoneg
C'hoant hoc'h eus da labourat e brezhoneg ? Fellout a ra deoc'h degas ho lod da skipailh an OPAB ha kas ar yezh war-raok er gevredigezh ? Kinnig a ra Ofis publik ar brezhoneg ur post merour.ez roadennoù.
27/03/2024
Buhezour·ez kumuniezh
Ofis publik ar brezhoneg
C'hoant hoc'h eus da labourat e brezhoneg ? Fellout a ra deoc'h degas ho lod da skipailh an OPAB ha kas ar yezh war-raok er gevredigezh ? Kinnig a ra Ofis publik ar brezhoneg ur post buhezour·ez kumuniezh. Lec’h labour : sez an OPAB (Karaez, Penn-ar-Bed) pe Naoned (Liger-Atlantel)
27/03/2024
Kargad·ez diorren atebeg·ez takad Su Penn-ar-Bed
Karaez-Plougêr (29)
| Deiziad embann | 09/09/2025 |
| Deiziad evit lakaat e anv | 30/09/2025 |
| Deiziad kregiñ | 15/10/2025 |
E-barzh ar pol Studi ha Diorren an OPAB e vo karget ar gwazour/wazourez eus raktresoù hentadoù divyezhek nevez er skolioù, lakaat e plas ha heuliañ ar c’houlzad Ya d’ar brezhoneg er gennad publik hag er gennad prevez, ha darempredoù gant an dilennidi evit diorren implij ar yezh e Su Penn-ar-Bed.
Deskrivadur ar post
Kefridioù
- Er Pol studiañ ha diorren e rank an atebeg·ez takad kas da benn follenn-hent an Ajañs diorren war e dachenn, krouiñ rouedadoù ha krouiñ darempredoù a fiziañs gant kevelerien an OPAB.
- Kas a ra war-raok ar c’houlzad Ya d’ar brezhoneg hag ober a ra war-dro diorren ar c’helenn war e dachenn (kizidikaat an obererien, titouriñ ar familhoù).
- Kuzuliañ a ra ar gevelerien publik ha prevez, un nerzh kinnig eo evit diorren an anaoudegezh eus ar brezhoneg hag e implij, ha ober a ra al liamm gant ar peurrest eus servijoù OPAB.
- Skrivañ a ra rentaoù-kont an emvodoù a gemer perzh enno.
Doare den
- Strizh ha barregezh aozañ. Darempredoù aes gant an dud diavaez hag ar gevelerien diabarzh.
- Dibres. Komz aes, labourat a-stroll, diskouez emrenerezh hag intrudu, rentañ kont d'e/he urzhaz.
- Pleustr pemdeziek ar brezhoneg pe al live B2.
- Barregezh dre gomz ha dre skrid e galleg hag e brezhoneg, gouest da azasaat ha da dapout intrudu.
- Mestroniañ ar binvioù burevek pemdez.
- Anavezout mat ar frammoù a gomz brezhoneg hag an dalc'hoù liammet ouzh ar politikerezh yezh. Anavezout tachenn an deskadurezh priziet.
- Aotre-bleniañ B.
Titouroù war ar post
Doare kevrat
Contrat à durée déterminée
Amzer labour
Temps complet
Evezhiadenn
Post evit erlec'hiañ ur gwazour.
Lizher ha CV da gas e div yezh da :
Aotrou Prezidant,
Ofis publik ar brezhoneg
Kastell Kerampuilh
29270 Karaez-Plougêr
Pe da mathilde.nicolas@opab.bzh
Darempred
Ofis Publik ar Brezhoneg
Kastell Kerampuilh
29270 Karaez-Plougêr
mathilde.nicolas@opab.bzh