Kinnigoù heñvel
Gwazour·ez an degemer hag an hanterouriezh sevenadurel
Ti-kêr Landerne
Landerne (29)
Emañ ti-kêr Landerne o tuta ur gwazour/wazourez an degemer hag an hanterouriezh sevenadurel evit palier Roc'han, adalek ar 16/06/25 betek an 08/01/26.
19/05/2025
Tredaner·ez evit servij an takad foran
Ti-kêr Montroulez
Montroulez (29)
Emañ ti-kêr Montroulez o tuta un tredaner/dredanerez evit servij an takad foran a-benn miz Gouere. Post digor d'an dud kevratet.
19/05/2025
Gwazour·ez kempenn takadoù glas
Ti-kêr Plougerne
Plougerne (29)
Emañ ti-kêr Plougerne o tuta ur gwazour/wazourez kempenn takadoù glas. Post da vezañ pourvezet gant ar gargiaded da gentañ.
12/05/2025
Kenrener·ez
Landerne (29)
| Deiziad embann | 26/05/2025 |
| Deiziad evit lakaat e anv | 09/06/2025 |
| Deiziad kregiñ | diouzhtu |
Emañ Diwan oc’h adaozañ gouarnerez ar gevredigezh, setu e klasker war ur c’henrener·ez evit ar rouedad skolioù kevredigezhel, laik, digoust ha digor d’an holl.
Deskrivadur ar post
Kefridioù
Evel den-dave ar burev hag ar c’huzul-merañ e kemeroc’h perzh e sevel ar raktresoù hag an hentadurioù evit frammañ ha diorenn ar gevredigezh.
Asambles gant ho keneil e kasoc’h da benn un toullad sujedoù liesseurt a-drugarez d’ho parregezhioù da rakwelet an ezhommoù, da studiañ an traoù, da gavout diskoulmoù pleustrek hag efedus.
O vezañ al liamm etre dilennidi ha gopridi·adezed ar gevredigezh emaoc’h e-karg da briziañ ha lakaat e pleustr asambles gant an dud e karg, gopret pe a-youl-vat, an hentadurioù bet termenet.
Staliet e voc’h e Landerne hag e kasoc’h war-raok buhez ar sez, asambles gant ho keneil, lec’h m’emañ ar servijoù pedagogel (kentañ hag eil derez), ar servijoù kontouriezh ha merañ ar c’hoskor hag ar pol “buhez ar gevredigezh”, diorren ha kehentiñ.
Gellet a rafec’h ivez dileuriañ ar gevredigezh war danvezioù teknikel pe politikel (dilennidi0·adezed, rektorelezh, kevredigezhioù all…)
Doare den
Kalzig skiant-prenet ho peus war ren ur skipailh, buheziñ ur rouedad ha gouarnerezh ur gevredigezh. Mestroniañ a rit dalc’hoù an Deskadurezh-Stad, an deskadurezh-pobl ha bed ar c’hevredigezhioù.
Ur gen-renerezh a zo un doare arbennik da verañ ur framm : kehentiñ treuzwelus, un aozadur rannet, un dasparzh sklaer eus ar c’hefridioù ha fiziañs an eil gant egile/eben. Gouzout a rit sevel ur sell boutin ha divizout o sevel asambles.
Gouest oc’h da gehentiñ ha barrek kement dre gomz ha dre skrid e brezhoneg (live C1 an DBY) hag e galleg. Barregezhioù solut ho peus war ar merañ ha studiañ an arc’hant ha gouest oc’h da gas da benn ur budjed evit ma vo kempouez.
Efedus oc’h en ho toare da aozañ al labour, gouest oc’h da dermeniñ ar bpriorelezhioù ha da gas da benn meur a sujed war ar memes tro.
Titouroù war ar post
Gopr
Etre 40 ha 45 000 € kriz/bloaz
Doare kevrat
Contrat à durée déterminée
Amzer labour
Temps complet
Evezhiadenn
Post e Landerne
CDD 1 bloaz
Kevelerioù : Mutuel, difenadur, 6 sizhunvezh a vakañsoù paeet
Ma'z oc’h dedennet gant ar post-mañ, kasit ho CV hag ul lizher da :
tuta@diwan.bzh betek an 9 a viz Even d’an diwezhatañ
Darempred
Diwan Breizh
tuta@diwan.bzh