Emañ ar rouedad Diwan o klask ur v·merour·ez goproù a savo fichennoù gopr ar c’hopridi o labourat e skolioù, skolajoù, liseoù Aodoù an Arvor, Il-ha-Gwilen ha Liger Atlantel (100/150 fichenn c’hopr). Dindan atebegezh ar benngontourez e labourit ivez gant an den e karg eus ar c’hoskor, ar bennsekretourez ha sekretourez pedagogiezh an eil derez karget da zastum an titouroù war ar goproù. Ebarzhet penn-da-benn e mererezh ar c’hoskor e vo fiziet ennoc’h ivez heuliañ red micherel ar c’hopridi.

Deskrivadur ar post

Kefridioù

Ur rouedad kevredigezhel, laik, digoust ha digor d’an holl eo Diwan. Hiziv an deiz ez eo an hentenn gelenn nemeti o kinnig deskiñ brezhoneg dre soubidigezh. Krouet 48 bloaz zo, ez eus e Diwan 48 skol, 7 skolaj ha 2 lise, dasparzhet war 5 departamant Breizh istorel.

Ho kefridioù a vo dreist-holl :

• Bizskrivañ roadennoù ar goproù war gemm, kontrollañ ha gwiriañ ar fichennoù gopr
• Sevel, kontrollañ, diskleriañ an DSN miziek ha darvoudoù
• Sevel an teulioù fin kevrat
• Heuliañ an emezeladurioù/diemezeladurioù d’ar gwarez yec’hed
• Sevel testenioù fin goproù a denn d’an ezvañsoù (kleñved, mammelezh, ehan labour)
• Sevel teulioù digoll ragevezh evit gopridi ar gevredigezh ha mistri kevratet gopret gant ar Stad
• Bezañ e darempred gant an aozadurioù sokial hag ensavadurioù all a denn d’ar goproù
• Respont da c’houlennoù ar c’hopridi diwar-benn ar goproù
• Sevel red micherel gopridi nevez enfredet.
• Bremanekaat ar redoù micherel diouzh emdroadurioù kaeloù ar goproù
• Respont da c’houlennoù ar c’hopridi diwar-benn o red micherel
• Skoazellañ ha/pe gervel ur pourchaser pa rank bezañ bremanekaet ar meziant goproù
• Kemer perzh er preder war raktresoù a denn da mont en-dro ar servij ha da kudennadoù goproù
• Bezañ den-dave evit raktresoù a sell ouzh diorren ar rouedad

Ouzhpenn goproù Diwan e vo ennoc’h ivez sevel goproù un nebeut kevredigezhioù a ver ar skolioù (KDP, Kevredigezh Desevel Poblik), etre 10 ha 30 fichenn gopr ouzhpenn. Ar fichennoù gopr-mañ a vez savet gant ar poellad AGATE hag e voc’h stummet evit mestroniañ anezhañ. Diouzh ho profil hag ho c’hoant e c’hellfe bezañ fiziet ennoc’h diorren ar servij goproù-mañ.

Doare den

Doare den :

Bet tapet ganeoc’h ur stummadur kontouriezh BTS/DUT/Aotreegezh dibab koskor, pe ur stummadur mererezh koskor/goproù, ho peus ur skiant-prenañ 5 bloaz d’an nebeutañ e mererezh ar goproù.

Emren ha plijet gant al labour a-stroll ez oc’h strizh war al labour, aes gant an dud ha gouest d’en em azasaat buan ouzh un endro labour nevez.

Anavezout ar meziant « Sage Paie » a vefe deuet mat. Mestroniañ word hag excel (dreist holl excel) a zo pouezus ivez evit ar post-mañ.

Ul live mat e brezhoneg a rankit kaout ivez (B2 pe C1 tapet en DCL) pe diskouez ur gwir youl da zeskiñ brezhoneg.

Titouroù war ar post

Gopr

Diouzh ar skiant-prenet

Doare kevrat

Contrat à durée indéterminée

Amzer labour

Temps complet

Evezhiadenn

Titouroù all :

Doaere kevrat : Kevrat didermen
Amzer labour : Leun amzer 35e dre sizhun
Deiziad kregiñ : Kerkent ha posubl
Gopr : Diouzh ho skiant prenet
Lec’h labour : Sez ar gevredigezh, e Landerne

Evel goprad·ez ar gevredigezh ho peus droad da gaout ur c’henwarez, ur ragevezh ha 6 sizhun koñjeoù paeet.

Darempred

Kevread Diwan

Z.A sant-Ernel

29800 Landerne

tuta@diwan.bzh

02 98 21 33 69