Lañser | Endalc'had | Enklask | Darempredoù

OMVAP Plañvour ha teir c’hevredigezh ezel outañ a sin an emglev Ya d’ar brezhoneg

Web gwelet en he brasañ

Ya d'ar brezhoneg 29/05/2017

Ofis-kêr evit Buhez kevredigezhioù Plañvour er Mor-Bihan a zo o paouez sinañ an emglev Ya d’ar brezhoneg

En ur gas d’e heul 3 c’hevredigezh all (Diwallerien Chapel sant Leonard, Keneiled Chapel sant Tual ha Poellgor Gevelliñ Plañvour-Fermoy), OMVAP Plañvour en deus sinet an emglev d’ar Meurzh 23 a viz Mae 2017 dirak an it. Lena Louarn, besprezidantez ar C’huzul-rannvro karget eus yezhoù Breizh ha prezidantez an Ofis Publik, an ao. Ronan Loas, maer Plañvour ha prezidanted(ezed) ha merourien (ezed) ar frammoù o sinañ.

Kas da benn etre 5 hag 8 ober eo pal ar 4 framm gant ar soñj tizhout al label live 1. An oberoù-se a sell ouzh ar c’hehentiñ dre ar Genrouedad pe war baper peurgetket, ar panellerezh, al logoioù, an teulioù melestradurel, ouzhpenn oberoù dibar hervez an dachenn ma labour pep framm warni.

Kendrec’het eo holl berzhidi al lid-sinañ-mañ n’eo o sinadur nemet ar bazenn gentañ. Kevredigezhioù ezel all eus an OMVAP a c’hallfe kemer perzh en argerzh-mañ, war verr pe grenn dermen, evit talvoudekaat ar brezhoneg.

distreiñ da roll ar c'heleier

0 evezhiadenn

An evezhiadennoù0

Ouzhpennañ un evezhiadenn

Postit hoc'h evezhiadenn amañ, mar plij

Mard eo hiroc'h hoc'h evezhiadenn eget 500 arouezenn anez e vo troc'het.

Niver a arouezennoù implijet : 0/500

Habaskaet e vez komzoù an dud el lec’hienn, setu ne vo ket embannet ho kemennadenn diouzhtu : adlennet e vo gant hor skipailhoù da gentañ, hag embannet e vo ganto diouzh an dro.

Lenn karta habaskaat al lec'hienn

Captcha enepstrob